'सीबीएसई'कडून २७ शाळांची अचानक तपासणी

पुढारी ऑनलाईन डेस्क : केंद्रीय माध्यमिक शिक्षण मंडळ (CBSE) ने आज (दि.३) राजस्थान आणि दिल्लीच्या NCT मधील 27 शाळांमध्ये अचानक तपासणी केली. या तपासणीचा उद्देश बोर्डाशी संलग्न असलेल्या शाळा सीबीएसईने ठरवून दिलेल्या नियमांचे आणि उपनियमांचे काटेकोरपणे पालन करत आहेत की नाही, याची खात्री करणे हा होता. या तपासणीतील निष्कर्षांचा सर्वसमावेशकपणे आढावा घेतला जाईल, आणि त्याचे पालन न झाल्यास योग्य ती कारवाई केली जाईल, असे सीबीएसईने म्हटले आहे.