भाजपने २०२४ च्या लोकसभा निवडणूकीसाठी ४०० पारचा नारा दिलेला आहे. आज जाहीर केलेल्या पाचव्या यादीत कंगणा राणौत यांना हिमाचल प्रदेशातील मंडी मतदारसंघातून उमेदवारी देण्यात आली आहे, तर माजी न्यायाधीश पश्चिम बंगालमधील तमलूक मतदारसंघातून लढणार आहेत. तर नुकतेच भाजपात प्रवेश केलेल्या उद्योजक नवीन जिंदाल यांनाही हरयाणातून लोकसभेच्या रिंगणात उतरवले आहे. भाजपने खासदार वरुण गांधी यांच्याशिवाय केंद्रीय मंत्री अश्विनी कुमार चौबे आणि व्ही के सिंह यांची नावे वगळली आहेत. तर महाराष्ट्रातील सुनील मेंढे, अशोक नेते, राम सातपुते या नेत्यांना उमेदवारी देण्यात आली आहे.
