Madhya Pradesh : आफ्रिकेतून भारतात आणलेल्या आणखी एका चित्त्याचा कुनो नॅशनल पार्कमध्ये मृत्यू
पुढारी ऑनलाईन डेस्क : मध्य प्रदेशातील कुनो नॅशनल पार्कमध्ये दक्षिण आफ्रिकेतून आणलेल्या आणखी एका चित्ताचा मृत्यू झाला आहे. उदय नावाचा हा चित्ता आज कुनो नॅशनल पार्कमध्ये आजारी आढळला. दरम्यान, उपचारादरम्यान त्याचा मृत्यू झाला. मध्य प्रदेशचे मुख्य वनसंरक्षक जेएस चौहान यांनी त्यांच्या मृत्यूला दुजोरा दिला आहे. (Madhya Pradesh) दक्षिण आफ्रिकेतून आणल्यानंतर दोन महिन्यांत मध्य प्रदेशातील कुनो राष्ट्रीय उद्यानात चित्त्याचा हा दुसरा मृत्यू आहे. देशात आणलेल्या १२ चित्त्यांपैकी ६ वर्षांचा उदय हा एक होता. अद्याप या चित्त्याचे मृत्यूचे कारण समजू शकले नाही. शवविच्छेदन अहवाल आल्यानंतरच मृत्यूचे कारण स्पष्ट होईल. (Madhya Pradesh)
मध्य प्रदेशचे मुख्य वनसंरक्षक जे.एस. चौहान यांनी सांगितले की, आज दैनंदिन निरीक्षण पथकाने उदयला (चित्ता) डोके टेकवून सुस्त अवस्थेत बसलेले पाहिले. जवळ गेल्यावर चित्ता दचकला आणि एका बाजूला मान टेकवून चालत होता. डॉक्टरांना तो प्रथमदर्शनी आजारी असल्याचे आढळून आले आणि सकाळी ११ वाजता त्याच्यावर बेशुद्धावस्थेत उपचार करण्यात आले. यानंतर त्याला आयसोलेशन वॉर्डमध्ये ठेवण्यात आले, मात्र सायंकाळी चार वाजता उदयचा मृत्यू झाला. (Madhya Pradesh)
यापूर्वी पाच वर्षांच्या नामिबियातील चित्ता साशा हिचा किडनीच्या संसर्गामुळे गेल्या महिन्यात मृत्यू झाला होता. (Madhya Pradesh) कुनो नॅशनल पार्कमध्ये धावणाऱ्या चित्यांच्या पहिल्या तुकडीचा ती एक भाग होती आणि गेल्या वर्षी नामिबियाहून आलेल्या पाच मादी चित्तांपैकी ती एक होती.
Madhya Pradesh | Another Cheetah, Uday, who was brought from South Africa, has died during treatment after falling ill at Kuno National Park. Reason for death is yet to be ascertained: MP Chief Conservator of Forest JS Chauhan pic.twitter.com/2IHPMCji2L
— ANI (@ANI) April 23, 2023
हेही वाचंलत का?
- Uddhav Thackeray : ही विराट सभा पाहून पाकिस्तानही सांगेल की शिवसेना कोणाची : उद्धव ठाकरे
- KKR vs CSK : चेन्नईने उभारला धावांचा डोंगर, चेन्नईचे केकेआरसमोर २३६ धावांचे आव्हान
- Arshdeep Singh : अर्शदीपच्या ‘भेदक’ गोलंदाजीमुळे ‘बीसीसीआय’चे लाखो रुपयांचे नुकसान!
- Suryakumar Yadav in T20 Cricket : सूर्यकुमारच्या नावावर नवा ‘विक्रम’, अशी कामगिरी करणारा ठरला पहिला भारतीय फलंदाज