Election : स्थानिक स्वराज्य संस्थांच्या निवडणुकीसंबंधी सुनावणी लांबणीवर

राज्यातील स्थानिक स्वराज्य संस्थांच्या निवडणुका गेल्या वर्षभराहून रखडलेल्या आहेत. कोरोना महारोगराई तसेच ओबीसी आरक्षणाच्या मुद्दयामुळे निवडणुका लांबणीवर पडल्या होत्या.आरक्षणाचा मार्ग मोकळा झाल्यानंतर न्यायालयाच्या निकालाआधी जाहीर झालेल्या ९२ नगरपरिषदांमध्येदेखील आरक्षण लागू व्हावे, यासाठी राज्य सरकारने न्यायालयात धाव घेतली.त्यातच महाविकास आघाडी सरकारच्या काळातील वॉर्ड रचना शिंदे-फडणवीस यांच्या सरकारने बदलली.या निर्णयाला न्यायालयात आव्हान देण्यात आले.पंरतु,न्यायालयाने २२ ऑगस्टला परिस्थिती 'जैसे थे' ठेवण्याचे आदेश दिले होते.