नवी दिल्ली; पुढारी वृत्तसेवा : स्थानिक स्वराज्य संस्थेतील ओबीसी आरक्षण आणि वॉर्डरचना प्रकरणातील सुनावणी २१ मार्चपर्यंत लांबणीवर गेली आहे. महाराष्ट्रातील सत्तासंघर्षाच्या सुनावणीनंतरच या याचिकेवर आता सुनावणी होण्याची शक्यता वर्तवली जात आहे. स्थानिक स्वराज्य संस्थांमध्ये ओबीसी आरक्षण आणि वॉर्डरचनेला आक्षेप घेणाऱ्या याचिकांवर सर्वोच्च न्यायालय सुनावणी सुरु आहे. यावर ७ फेब्रुवारी रोजी सुनावणी होणार होती.परंतु ती झाली नाही. आज, सोमवारी त्यावर सुनावणी ठेवण्यात आली. परंतु, आजही सुनावणी न होताच पुढची तारीख देण्यात आली.
