तिहार तुरुंगात मंत्री सत्येंद्र जैन यांच्यावर ठेवले जाणार विशेष लक्ष
नवी दिल्ली, पुढारी वृत्तसेवा : तिहार तुरुंगात सर्व प्रकारच्या सुविधा उपभोगत असल्याचा आरोप झालेल्या आप सरकारमधील मंत्री सत्येंद्र जैन यांच्यावर विशेष लक्ष ठेवण्याचे निर्देश तुरुंग प्रशासनाने दिले आहेत. हवाला प्रकरणात गंभीर आरोप झालेले जैन हे मागील काही महिन्यांपासून तिहार येथील तुरूंगात आहेत.
सत्येंद्र जैन हे तुरुंगात विलासी जीवन जगत असल्याचे व्हिडिओ अलीकडील काळात व्हायरल झाले होते. त्यानंतर त्यांना मदत करीत असलेल्या तुरुंग अधिकाऱ्याचे सेवेतून निलंबन करण्यात आले होते. दरम्यान, जैन यांच्या खोलीत असलेली खुर्ची, टेबल आणि इतर साहित्य हटविले आहे. पुढील १५ दिवसांत त्यांना कोणी भेटू नये, असे निर्देशही तुरुंग प्रशासनाने जारी केले आहेत.
उपराज्यपाल व्ही. के. सक्सेना यांनी तिहारमधील अनियमिततेची चौकशी करण्यासाठी एका समितीची स्थापना केली होती. समितीच्या शिफारशीनुसार, जैन यांच्या सुविधा काढून घेण्यात आल्या आहेत. इतर कैद्यांनी जैन यांना भेटू नये, असेही निर्देशात म्हटले आहे.
हेही वाचंलत का?
- रशिया-युक्रेन युद्धविरामाचे संकेत ! : पोप फ्रान्सिस यांच्या आवाहनानंतर रशियाचे राष्ट्राध्यक्ष पुतीन युक्रेनशी चर्चा करण्यास तयार
- Ashwin One Handed Six : अश्विनने ठोकला ‘एकहाती’ गगनचुंबी षटकार, भलेभले गारद! (Video)
- World Test Championship च्या अंतिम सामन्यात कशी पोहचेल टीम इंडिया, जाणून घ्या समीकरण