अवैध बार प्रकरण : स्मृती ईराणी यांची काँग्रेसच्या नेत्यांना कायदेशीर नोटीस
पुढारी वृत्तसेवा : नवी दिल्ली : केंद्रीय मंत्री स्मृती ईराणी यांनी काँग्रेसचे नेते पवन खेडा, जयराम रमेश यांच्यासह काँग्रेस पक्षाला कायदेशीर नोटीस बजावली आहे. ईराणी यांची मुलगी गोव्यात अवैध बार चालविते, असा गंभीर आरोप काँग्रेस नेत्यांनी केला होता. तर दुसरीकडे सर्व आरोप चुकीचे असल्याचे ईराणी यांनी सांगितले होते. चुकीचे आरोप केल्याबद्दल संबंधित नेत्यांनी विनाशर्त माफी मागावी, असे ईराणी यांनी नोटिशीमध्ये म्हटले आहे.
एका मृत व्यक्तीच्या नावाचा दुरुपयोग करून आपली तिजोरी भरण्याइतकी वाईट गोष्ट कोणती असेल? ज्या व्यक्तीचे निधन मे 2021 मध्ये झाले होते, त्या व्यक्तीच्या नावाने जून 2022 मध्ये बारचा परवाना घेतला गेला, असा आरोप काँग्रेसचे प्रवक्ते पवन खेड़ा यांनी अलीकडेच पत्रकार परिषदेत केला होता. या लोकांची बेकार आणि दुहेरी मानसिकता संपूर्ण देश पाहत आहे. तसेच स्मृती ईराणी यांची मुलगी बनावट लायसन्सच्या माध्यमातून गोव्यात बार चालवीत असल्याचे खेडा यांनी सांगितले होते.
या प्रकरणावर सर्व माध्यमांतून स्मृती इराणी यांच्यावर प्रश्नाचा भडीमार पडत होता. स्मृती यांना या प्रकरणी चहूबाजूंनी घेरण्याचे चित्र होते. अखेर या प्रकरणावर स्मृती यांनी हालचाल केली आहे. या प्रकरणी त्यांनी आता काँग्रेच्या नेत्यांना कायदेशीर नोटीस बजावून विनाशर्त माफी मागावी असे म्हटले आहे.
Union Minister Smriti Irani sends legal notice to Congress leaders Pawan Khera, Jairam Ramesh, Netta D’ Souza & Congress over remarks on her 18-year-old daughter & ask them to tender a written unconditional apology and withdraw the allegations with immediate effect
(file pic) pic.twitter.com/meHGyQKvBW
— ANI (@ANI) July 24, 2022
