जम्मू-काश्मीरमध्ये दहशतवादी हल्ल्यात दोन जवान शहीद

श्रीनगर; पुढारी ऑनलाईन : शनिवारी जम्मू-काश्मीरमधील सोपोर भागात दहशतवादी हल्ल्याची आणखी एक घटना उघडकीस आली आहे. हा हल्ला अरमपोरा नाका येथे झाला. पोलिस आणि सीआरपीएफच्या संयुक्त पथकाला लक्ष्य करून दहशतवाद्यांनी गोळीबार केल्याचे सांगण्यात येत आहे. या हल्ल्यात दोन सैनिक शहीद झाले आहेत. त्याचवेळी दोन नागरिकांचे प्राणही गमावले आहेत. दोन जवानांना गंभीर अवस्थेत रुग्णालयात दाखल करण्यात आले आहे.

अधिक वाचा : मोदी कॅबिनेटमध्ये होणार बदल?

अरमपोरा परिसर उत्तर काश्मीरच्या सोपोर जिल्ह्यात आहे. येथे पोलिस आणि सीआरपीएफची टीम तैनात होती. अचानक तेथे काही दहशतवादी आले आणि त्यांनी सुरक्षा रक्षकांवर गोळीबार केला. या हल्ल्यात एका स्थानिक नागरिकाला गोळी लागली.

परिसराला घेराव घालून शोध मोहीम चालू

हल्लेखोर दहशतवाद्यांना पकडण्यासाठी सुरक्षा दलाने सर्व बाजूंनी परिसर घेरला असल्याचे सांगण्यात येत आहे. शोध मोहीम चालू आहे. सुरक्षा दलांवर हा सलग दुसरा दहशतवादी हल्ला असल्याचे सांगण्यात येत आहे.

अधिक वाचा : आता डिझेलची सुद्धा शंभरीकडे वाटचाल!

शुक्रवारीही हल्ला करण्यात आला

शुक्रवारी जम्मू-काश्मीरमधील शोपियान जिल्ह्यात दहशतवाद्यांनी सुरक्षा दलाच्या चेक पोस्टवर हल्ला केला. केंद्रीय राखीव पोलिस दल आणि पोलिसांचा नाका अगलार भागात तयार करण्यात आला होता, ज्यावर दुपारी हल्ला करण्यात आला. अज्ञात हल्लेखोरांनी येथे जोरदार गोळीबार केला, त्यानंतर सुरक्षा दलाने प्रत्युत्तरात कारवाई केली. सैनिकांच्या कारवाईनंतर हल्लेखोर घटनास्थळावरून पळून गेले.

संपूर्ण परिसर सील करण्यात आला आहे

घटनेनंतर संपूर्ण परिसर सील करण्यात आला. येथे एक मोठा शोध मोहीम चालू होती. दरम्यान, दहशतवाद्यांनी शनिवारी पुन्हा एकदा सुरक्षा दलाला लक्ष्य केले.