देवगावकडून यवतमाळकडे जाणाऱ्या चारचाकी वाहनाची विरुद्ध दिशेने येणाऱ्या दुचाकी वाहनाला धडक बसली. पुरुषोत्तम श्रीधर राड्री व त्याचा चुलतभाऊ गौरव सुरेश राड्री हे दुचाकीने गावाकडे परत जात होते. नांदुरा पुलाजवळ देवगावकडून यवतमाळला जात असलेल्या कारची व दुचाकीची धडक झाली. दुचाकीवरील गौरव सुरेश राड्री याचा जागीच मृत्यू झाला, तर दुचाकी चालक पुरुषोत्तम राड्री याचा रुग्णालयात मृत्यू झाला. या घटनेची तक्रार जनबा दादाराव रेवळे (रा. उसळगव्हाण) यांनी बाभूळगाव पोलिस ठाण्यात दिली. या प्रकरणी चारचाकी वाहनाचा चालक विनीत संदीप अग्रवाल (रा. भुगतपूर, आंध्र प्रदेश) याच्याविरुद्ध गुन्हा दाखल करून पुढील तपास सुरू केला आहे.
