वाशिम: पुढारी वृत्तसेवा : कार ट्रकला धडकून झालेल्या भीषण अपघातात रिसोड येथील भाविक ठार झाले. तर दोघे जण जखमी झाले. ही घटना सत्ना ते रिवा (मध्यप्रदेश) महामार्गावर आज (दि.१०) सकाळी घडली. या अपघातात व्यापारी व फोटो ग्राफर गोपी वाघ, (वय ४५, रा. रिसोड ) यांचा मृत्यू झाला. तर आनंद बुट्टे, व गिरी हे दोघे जखमी झाले. (Washim Accident News)
याबाबत अधिक माहिती अशी की, रिसोड येथील वाघ प्रयागराज येथे महाकुंभात सहभागी होण्यासाठी गेले होते. ते आज घरी परतत असताना त्यांच्या गाडीचा भीषण अपघात झाला. यात त्यांचा जागीच मृत्यू झाला. तर जखमींना महामार्ग रुग्णवाहिकेने तत्काळ पुढील उपचारासाठी रुग्णालयात दाखल केले . या घटनेमुळे रिसोड शहरावर शोककळा पसरली आहे. पुढील तपास मध्य प्रदेश पोलीस करीत आहे.
