माहूर येथे दर्शनासाठी गेलेल्या भाविकांच्या कारला अपघात; दोघे ठार

वाशीम : माहूर येथे दर्शनासाठी गेलेल्या भाविकांची कार चालकाचे नियंत्रण सुटल्याने खोल दरीत कोसळली. या अपघातात दोघेजण जागीच ठार झाले तर सात जण गंभीर जखमी आहेत. वाशिम पुसद मार्गावरील मारवाडी फाट्याजवळ सोमवारी सकाळी ११ वाजता ही घटना घडली. जखमींना उपचारासाठी वाशिमच्या विविध रुग्णालयात दाखल केले आहे. कारमधील सर्व भावीक नगर जिल्ह्यातील असल्याची माहिती मिळत आहे.