उमेश मोरेश्वर राउत (२७ वर्ष), वैष्णवी (२१ वर्ष) अशी मृतकांची नावे आहेत. दोघेही बाभुळगाव येथील रहिवाशी. उमेश हा येथील प्लायऊड फॅक्टरीमध्ये काम करीत होता. वैष्णवी सोबत त्याचे प्रेमसंबंध जुळले. दोघांनीही आई वडीलाच्या संमतीने लग्न करण्याचं ठरवलं. उमेशने याची माहिती घरच्यांना दिली आणि लग्नाकरीता परवानगी मागीतली. मात्र आईने त्याला नकार दिला. वारंवार प्रयत्न करूनही त्याला यश आले नाही. उमेश राउत हा शनिवारी (दि. ९) पाच नंतर घरी आला नाही. पत्ता न लागल्याने त्याच्या आईने पोलिसात तक्रार दाखल केली.