President Murmu Nagpur Visit
नागपूर: देशाच्या महामहीम राष्ट्रपती महोदयांचे पद घटनात्मकदृष्ट्या सर्वोच्च पद आहे. सामान्यांना न्याय मिळत नसल्यास किंवा जनतेची गाऱ्हानी वर्षानुवर्षे निकाली निघत नाही अश्या परिस्थितीत नागरिक, नागरिकांचे समूह, आंदोलनकारी चळवळी आपली सार्वजनिक गाऱ्हानी महामहीम राष्ट्रपतीची वेळ घेऊन मांडू शकतात.
असाच प्रयत्न, राष्ट्रपती द्रौपदी मुर्मू आज नागपूर मुक्कामी असल्याने विदर्भ निर्मितीचे गाऱ्हाने मांडण्याकरता विदर्भवाद्यांनी विदर्भ राज्य आंदोलन समिती विराआसने केला. मात्र, त्यांना भेटीची वेळ नाकारली गेली आहे. जिल्हाधिकारी नागपूर, विभागीय आयुक्त (महसूल) नागपूर, पोलीस आयुक्त आणि , राजभवनामार्फत वेळ मिळविण्याचा प्रयत्न केला.
परंतु, विदर्भ राज्य निर्मितीचे प्रदीर्घ काळापासून प्रलंबित असलेली मागणी मांडण्यासाठी महामहीम राष्ट्रपतीचा वेळ न मिळणे किंवा वेळ न देणे ही लोकशाहीत दुर्देवी घटना असल्याचा संताप विराआसच्या वतीने अध्यक्ष व माजी आमदार अॅड. वामनराव चटप आणि सहकाऱ्यांनी व्यक्त केली आहे.
