Drunk Nephew Kills Uncle Nagpur
नागपूर : दारूच्या नशेत एका भाच्याने आपल्याच मामावर सब्बलने प्राणघातक हल्ला करून त्याची हत्या केल्याची घटना पाटणसावंगी परिसरात घडली. केसरी गजू कावरे (वय ५०, रा. आरा मशिन परिसर, पाटणसावंगी) असे मृताचे नाव आहे. पोलिसांनी आरोपी सूर्यकांत नागेश्वर यास अटक केली.
किल्लापुरा (पाटणसावंगी) येथील सूर्यकांत कलतराम नागेश्वर (वय २१) हा दारूच्या नशेत मामाच्या घरी आला. किरकोळ कारणावरून या दोघांमध्ये वाद झाला. वादाचे रूपांतर हाणामारीत झाले आणि संतापाच्या भरात सूर्यकांतने सब्बलने मामावरच हल्ला केला. गंभीर जखमी झाल्याने त्यांचा जागीच मृत्यू झाला.
या घटनेची माहिती मिळताच सावनेर पोलिस ठाण्याचे पथक घटनास्थळी दाखल झाले. मृतदेह शवविच्छेदनासाठी नागपूर येथील शासकीय वैद्यकीय महाविद्यालय व रुग्णालयात पाठविण्यात आला.
