नागपूर - जिल्हाधिकाऱ्यांच्या आस्थापनेवरील महसूल सहायक, सहाय्यक महसूल अधिकारी व मंडळ अधिकारी संवर्गातील पदोन्नती कोट्यात रिक्त असलेली पदे महसूल कर्मचारी प्रशासनाचा कणा आहे. जिल्हाधिकारी कुमार आशीर्वाद यांच्या अध्यक्षतेखाली 5 नोव्हेंबर रोजी विभागीय पदोन्नती समितीची सभा घेण्यात आली, आणि आज दुसऱ्याच दिवशी दिवाळी निमित्ताने 99 कर्मचाऱ्यांच्या हातात आदेश देऊन पदोन्नतीची अनोखी भेट त्यांना दिली.
यामध्ये शिपाई संवर्गातून महसूल सहायक संवर्गात 8 कर्मचाऱ्यांना, महसूल सहायक संवर्गातून सहाय्यक महसूल अधिकारी संवर्गात 52 कर्मचाऱ्यांना, ग्राम महसूल अधिकारी संवर्गातून मंडळ अधिकारी संवर्गात 39 कर्मचाऱ्यांना पदोन्नतीसाठी पात्र ठरविण्यात आले.
रिक्त पदांच्या उपलब्धतेनुसार 8 शिपाई कर्मचाऱ्यांना महसूल सहायक संवर्गात, 12 महसूल सहायक यांना सहाय्यक महसूल अधिकारी संवर्गात व 4 ग्राम महसूल अधिकारी (तलाठी) यांना मंडळ अधिकारी संवर्गात पदोन्नती देण्यात येवून पदोन्नतीचे आदेश निर्गमित करण्यात आले.