नागपूर, पुढारी वृत्तसेवा: पुण्यातील गुंड गजा मारणे आणि नागपुरातील कुख्यात सय्यद राजा गौस यांच्यासह आणखी तिघांवर नागपूर पोलिसांनी गुन्हा दाखल केला आहे. कारागृहातून बाहेर आल्यानंतर सामान्य जनतेत, गुन्हेगारी विश्वात दहशत निर्माण करण्याच्या दृष्टीने इंस्टाग्रामवर 'मैं हु नागपूर का किंग...! अशी पोस्ट करणे या गुंडांना महागात पडली आहे. (Nagpur Crime News)
नागपुरातील कुख्यात राजा गौस याने इंस्टाग्राम अकाउंटवरून गजा मारणे सोबतचा एक व्हिडिओ शेअर केला होता. यामध्ये राजा गौस आणि गजा मारणे हे गाड्यांच्या ताफ्यासह दिसत होते. यास किंग ऑफ नागपूर ... असे टायटल देऊन हा व्हिडिओ सोशल मीडियावर व्हायरल करण्यात आला होता. या प्रकरणी आता पोलिसांनी गुन्हा दाखल केला आहे.
