नागपूर : विधिमंडळाच्या अर्थसंकल्पीय अधिवेशनच्या अनुषंगाने राज्यपालांच्या अभिभाषणावर बोलताना शिवसेना आमदार अनिल परब यांनी 'छावा बघा, मला बघा संभाजी महाराजांचा वारसा कोण चालवत आसेल तर तो मी..! असे वक्तव्य केले. ते पुढे असेही म्हणाले की छत्रपती संभाजी महाराजांनी त्यांचा धर्म बदलावा म्हणून त्यांचा छळ करण्यात आला. तसाच छळ मी पक्ष बदलावा म्हणून करण्यात आला. या वक्तव्यामुळे अर्थसंकल्पीय अधिवेशन कालावधीसाठी अनिल परब यांचे निलंबन करावे अशी मागणी नागपूरचे राजे मुधोजी भोसले यांनी केली आहे.
स्वत:ची तुलना छत्रपती संभाजी महाराजांसोबत करता ही तुमची विकृती आहे. तुम्ही महाराष्ट्राची क्षमा मागावी. तुमच्या या वक्तव्याचा मी नागपूर भोसले राज घराण्याचा वंशज या नात्याने तीव्र शब्दात निषेध करतो असेही राजे मुधोजी भोसले यांनी म्हटले असून तातडीने त्यांना निलंबित करण्याची विनंती विधानपरिषद सभापती यांच्याकडे केली आहे.
