नागपूर : विविध ज्युनियर कॉलेजांमधील 11 वी वर्ग येत्या बुधवार, १५ जुलैपासून सुरू होणार आहेत. शिक्षण संचालनालयाने याबाबत घोषणा केली. राज्यात अकराव्या वर्गातील प्रवेशांसाठी केंद्रीय प्रवेशप्रक्रिया सुरू आहे. शून्य फेरीपासून सुरू झालेल्या या प्रक्रियेत विविध फेऱ्या राबविण्यात आल्या.
या फेऱ्यांनंतर शुक्रवारी मुलींसाठीच्या विशेष फेरीला प्रारंभ झाला. शुक्रवारी आणि शनिवारी ही विशेष फेरी राबविण्यात येणार आहे. हे दोन दिवस मुलींना नोंदणी करता येईल. त्यानंतर १२ जुलै रोजी कॉलेजांचे अलॉटमेंट जाहीर केले जाईल.
निवड झालेल्या विद्यार्थिनींना १३ आणि १४ जुलै रोजी मिळालेल्या महाविद्यालयांमध्ये प्रवेश घेता येतील. त्यानंतर, १४ जुलै रोजी पुढील विशेष फेरीचे वेळापत्रक जाहीर केले जाणार आहे. प्रवेश झालेल्या विद्यार्थ्यांचे वर्ग शुक्रवारपासून सुरू होतील. त्यानंतर १६ जुलै रोजी पुन्हा एकदा रिक्त राहिलेल्या जागांची यादी जाहीर केली जाणार आहे.
