Jaydeep Kawade | पीपल्स रिपब्लिकन पार्टीचे कार्याध्यक्ष जयदीप कवाडे यांची प्रकृती खालावली

नागपूर: पीपल्स रिपब्लिकन पार्टीचे राष्ट्रीय कार्याध्यक्ष आणि महाराष्ट्र लघु उद्योग विकास महामंडळाचे उपाध्यक्ष (राज्यमंत्री दर्जा) जयदीप कवाडे यांची प्रकृती खालावल्याने त्यांना मुंबईतील ब्रीच कँडी हॉस्पिटलमध्ये तातडीने दाखल करण्यात आले आहे. डॉ. रोहित बर्मन यांच्या नेतृत्वाखालील तज्ज्ञ डॉक्टरांची टीम उपचार करत असून त्यांची प्रकृती आता स्थिर आहे.

मागील काही महिन्यांपासून राज्यभरात सुरू असलेल्या त्यांच्या अविरत राजकीय आणि सामाजिक दौऱ्यांमुळे शारीरिक थकवा आणि प्रकृतीवर परिणाम झाल्यानंतर त्यांना रुग्णालयात दाखल करण्यात आले आहे, अशी माहिती पक्षाचे प्रदेश संघटक कपिल लिंगायत यांनी दिली.