Bhandara Nagpur Highway Accident
नागपूर : भंडारा येथील काँग्रेसचे खासदार डॉ. प्रशांत पडोळे यांच्या कारला सोमवारी (दि.३०) सकाळी एका वाहनाने जोरदार धडक दिली. कारच्या पुढील भागात ही जोरदार धडक बसल्याने कारचे मोठे नुकसान झाले. सुदैवाने डॉ. पडोळे हे थोडक्यात बचावले.
आज सकाळी भंडारावरून नागरपूरला जात असताना त्यांच्या वाहनाला ट्रकने जोरदार धडक दिली. यात ते थोडक्यात बचावले. खासदार डॉ.पडोळे अधिवेशनाकरिता दिल्ली साठी निघाले होते.
विशेष म्हणजे याच रस्त्यावर तिसऱ्यांदा अशाप्रकारचा त्यांच्या वाहनाला अपघात घडला आहे. आता हल्दीराम समोर नागपूरजवळ हा अपघात घडल्याने यासंदर्भात शंका व्यक्त केली जात आहे. लगेच दुसऱ्या वाहनाने डॉ. पडोळे हे नागपूरला आणि नंतर विमानाने दिल्लीला रवाना झाल्याची माहिती सूत्रांनी दिली.
