नागपूर : राष्ट्रवादी काँग्रेसचे आधारस्तंभ लोकनेते अजितदादा पवार यांचे पवित्र अस्थिकलश आज सोमवारी (दि. 2) रात्री नागपूर येथे येणार आहेत. उद्या मंगळवारी (दि. 3 फेब्रुवारी) शहरातील नागरिक आणि कार्यकर्त्यांसाठी अस्थी दर्शनाचा कार्यक्रम आयोजित करण्यात आला आहे. यानंतर दुपारी अंभोरा येथे अस्थी विसर्जन करण्यात येणार आहे.
मंगळवारी (दि. 3 ) सकाळी ९ वाजेपासून सर्व नागरिक आणि कार्यकर्त्यांना दर्शनासाठी राष्ट्रवादी काँग्रेस पार्टी कार्यालय, द्वारकामाई हॉटेल जवळ, म्हाडा कॉम्प्लेक्स रोड, गणेश पेठ येथे अस्थिकलश उपलब्ध राहील. उद्या दुपारी २ वाजता पक्ष कार्यालयापासून अस्थी विसर्जन यात्रेला सुरुवात होईल. श्रीक्षेत्र अंभोरा येथे पवित्र संगमावर वैदिक मंत्रोच्चारात व शास्त्रोक्त पद्धतीने अस्थी विसर्जन करण्यात येईल.
यावेळी राष्ट्रवादी काँग्रेसचे सर्व पदाधिकारी, लोकप्रतिनिधी आणि कार्यकर्ते मोठ्या संख्येने उपस्थित राहणार असल्याची माहिती शहर राष्ट्रवादी कार्याध्यक्ष श्रीकांत शिवणकर यांनी दिली.
