सरकार आल्यास धनगर समाजाला आरक्षण देण्याचा निर्णय पहिल्याच कँबीनेटमध्ये घेवू असे आश्वासन बारामतीमध्ये देवेंद्र फडणविस यांनी २०१३ मध्ये दिले होते. या आश्वासना नंतर ते मुख्यमंत्री सुध्दा झाले, पण धनगर समाजाला दिलेले आश्वासन ते पाळु शकले नाहीत. मुख्यमंत्री असतांना धनगर समाजाच्या वतीने एका कार्यक्रमात " क्या हुवा तेरा वादा" हे गाणे वाजवून आश्वासनाची आठवण सुध्दा फडणविस यांना करुन दिली होती. परंतु अद्यापही यावरही त्यांनी कोणताच तोडगा काढला नाही. केवळ आश्वासन द्यायचे आणि तोडगा काढायचा नाही हा त्यांचा जुना फंडा आहे. यामुळे मंडल आयोगाला विरोध करणारे आणि केंद्रातील सरकार पाडणारे आता वेगळी भाषा बोलत आहे. त्यांचा रंग बदलण्याचा प्रकार हा सरडयालाही लाजवेल असा आहे, असेही अनिल देशमुख म्हणाले.