नागपूर; पुढारी वृत्तसेवा : केंद्रीय मंत्री नितीन गडकरी यांच्या खंडणी प्रकरणात जयेश पुजारी आणि अफसर पाशा या दोघांची चौकशी नागपूर ऐवजी मुंबईला स्थानांतरीत करण्यात यावी, अशी विनंती एनआयएने केली होती. ही विनंती नागपूर जिल्हा विशेष न्यायालयाने फेटाळून लावली आहे. जयेश पुजारीने यापूर्वी देखील नागपूर ऐवजी बेळगावला आपल्याला नेण्यात यावे, जीवाला धोका असल्याची विनंती न्यायालयात केली होती, पण न्यायालयाने ती फेटाळून लावली. उच्च न्यायालयात जावे असे या प्रकरणी जिल्हा सत्र न्यायालयाने म्हटले आहे. बांगलादेशात प्रशिक्षण घेतलेला कुख्यात अफसर पाशा यापूर्वी दोनदा नागपुरात आला असल्याने त्याचे नागपूर कनेक्शन, स्लीपर सेल शोधण्याचे पोलिसांपुढे आव्हान आहे.
