गोंदिया, पुढारी वृत्तसेवा : नवेगावबांध येथे पीठ गिरणीवर दळण दळत असताना महिलेची ओढणी पीठ गिरणीच्या पट्ट्यात अडकून अपघात घडल्याची घटना समोर आली आहे. या अपघातात महिला गिरणीच्या पट्ट्यात अडकल्याने तिचे डोके शरीरापासून वेगळे झाले होते. हि अर्जुनी-मोरगाव तालुक्यामध्ये घडली आहे. नितू हर्षल उजवणे (वय.46) असे मृत महिलेचे नाव आहे.
नवेगावबांध येथील आझाद चौकात उजवणे कुटूंबाकडून पीठ गिरणीचा लघु व्यवसाय केले जातो. दरम्यान, नेहमीप्रमाणे ग्राहक आल्यानंतर नितूनीं पीठ गिरणी मशिन सुरू केली. गिरणीत दळण टाकत असताना अचानक त्यांची ओढणी मशिनच्या पट्ट्यात अडकली. यामध्ये नितूही ओढणीसोबतच मशिनच्या पट्ट्यात ओढल्या गेल्या. ज्यामध्ये त्यांचा जागीच मृत्यू झाला.
या घटनेमुळे उजवणे कुटूंबियावर दु:खाचे डोंगर कोसळला असून गावात हळहळ व्यक्त केली जात आहे. या घटनेची माहिती मिळताच नवेगावबांध पोलिसांनी घटनास्थळ गाठून पंचनामा केला. घटनेची नोंद करून मृतदेह उत्तरीय तपासणीसाठी पाठवला. या घटनेचा अधिक तपास नवेगावबांध पोलीस करीत आहेत.
