चंद्रपूर : पंतप्रधान नरेंद्र मोदी यांच्या दौऱ्यानिमित्त जिल्हा प्रशासन अलर्ट मोडवर आहे.चंद्रपूर जिल्ह्याच्या हद्दीत विना परवाना व बेकायदेशीर रित्या ड्रोनचा वापर करण्यास सक्त मनाई करण्यात आली आहे. या बाबतचे आदेश जिल्हाधिकारी विनय गौडा यांनी काढले आहेत.
पंतप्रधान नरेंद्र मोदी यांचा 12 नोव्हेंबर रोजी चिमूर येथे दौरा आहे. या कार्यक्रमाच्या अनुषंगाने कायदा व सुव्यवस्था अबाधित राखणे तसेच अवकाशीय उपकरणाद्वारे नियोजित संभाव्य हल्ल्याची शक्यता रोखण्याकरीता चंद्रपूर जिल्ह्याच्या हद्दीत विना परवाना व बेकायदेशीर रित्या ड्रोनचा वापर करण्यास मनाई करण्यात आली आहे. या बाबतचा आदेश पारीत करण्यात आला आहे.
भारतीय नागरिक सुरक्षा संहिता, 2023 चे कलम 163 च्या तरतुदीन्वये चंद्रपूर जिल्ह्याच्या हद्दीत 12 नोव्हेंबरच्या मध्यरात्री 00.01 वाजतापासून 12 नोव्हेंबरच्या रात्री 24.00 वाजेपर्यंत विना परवाना व बेकायदेशिररित्या ड्रोन प्रक्षेपण व ड्रोनचा वापर करण्यास जिल्हाधिकारी विनय गौडा यांनी आदेशाद्वारे मनाई केली आहे.
