बुलढाणा: मोताळा शहरातील तहसिल कार्यालय चौकात असलेले 'एसबीआय'चे एटीएम शुक्रवारच्या उत्तररात्री फोडून अज्ञात चोरट्यांनी त्यातील ७ लाख रुपया़ची रक्कम लंपास केली. आज शनिवारी हा सकाळी हा प्रकार उघडकीस आल्यानंतर खळबळ उडाली.
नागरिकांनी याबाबत बोराखेडी पोलिसांना कळवल्यानंतर पोलिसांचे पथक तात्काळ घटनास्थळी पोहोचले. पोलिसांनी तपासाला सुरुवात करत एटीएम मधील व आसपासचे सीसीटीव्ही कॅमेरे तपासले आहेत. एटीएम फोडून चोरी झाल्याच्या घटनास्थळी जिल्हा पोलिस अधिक्षक निलेश तांबे व स्थानिक गुन्हे शाखेचे पोलिस निरीक्षक सुनिल अंबूलकर तसेच फौरेन्सिक टिमने भेट देऊन पाहणी केली व तपासाची दिशा ठरवली.
प्राथमिक माहितीनुसार,चोरट्यांनी सुमारे ७ लाखांची रक्कम लंपास केली आहे. पोलिसांच्या तपास पथकाला अद्यापपर्यंत चोरट्यांचा सुगावा लागला नाही. या प्रकरणात पोलिस अधिक तपास करत आहेत.
