Bhandara Crime | भंडारा हदरले : पाठलाग करून अल्पवयीन मुलीवर अत्याचार

Mundiapar sexual assault case

भंडारा: अल्पवयीन मुलीचा पाठलाग करुन तिच्यावर पाशवी अत्याचार केल्याची घटना लाखनी तालुक्यातील मुंडीपार/सिंधीपार येथे घडली. दिवसाढवळ्या घडलेल्या या घटनेमुळे परिसरात खळबळ उडाली आहे.

मुनेश्वर सुरेश देऊळकर (वय २२, रा. कनेरी/दगडी, ता. लखनी) असे आरोपीचे नाव आहे.

याबाबत अधिक माहिती अशी की, सोमवारी (दि. १३) सकाळी ११.३० वाजताच्या सुमारास आरोपी मुनेश्वरने पीडित मुलीचा पाठलाग केला. मुलीचा तिच्या घरासमोरील रस्त्यावर हात पकडून तोंड दाबून तिच्यावर पाशवी अत्याचार केला. याबाबत कुणाला सांगितल्यास धमकी दिली. या घटनेची तक्रार लाखनी पोलिस ठाण्यात केल्यानंतर पोलिसांनी गुन्हा नोंदवून आरोपीला अटक केली आहे.