Chikhaldara Minor Harassment Allegations
अमरावती : दिवंगत ज्येष्ठ समाजसेविका सिंधूताई सपकाळ यांचे पुत्र अरुण सपकाळ यांच्याविरोधात अल्पवयीन मुलीच्या लैंगिक छळाच्या आरोपावरून अमरावती जिल्ह्यातील चिखलदरा पोलिस ठाण्यात गुन्हा दाखल करण्यात आला आहे. या प्रकरणात पॉक्सो कायदा, विनयभंग आणि इतर संबंधित कलमांनुसार कारवाई करण्यात आल्याची माहिती आहे. वसतिगृहातील एका विद्यार्थिनीने दिलेल्या जबाबाच्या आधारे पोलिसांनी गुन्ह्याची नोंद केली आहे.
मिळालेल्या प्राथमिक माहितीनुसार, चिखलदरा परिसरातील वसतिगृहात राहणाऱ्या एका अल्पवयीन विद्यार्थिनीने दिलेल्या जबाबानंतर पोलिसांनी अरुण सपकाळ यांच्याविरोधात गुन्हा नोंदविला. अल्पवयीन मुलांवरील लैंगिक अत्याचाराच्या प्रकरणांमध्ये लागू होणाऱ्या पॉक्सो कायद्यासह विनयभंग आणि इतर संबंधित कलमांचा समावेश करण्यात आला आहे.
या प्रकरणात पुढील तपास पोलिस करत आहेत.
