Akola Patient Death Hospital
अकोला : शहरातील एका खासगी हॉस्पिटलमध्ये एक धक्कादायक घटना घडली आहे. उपचारासाठी दाखल असलेल्या एका रुग्णाने हॉस्पिटलच्या वॉर्डमध्येच गळफास घेऊन जीवन संपविल्याची माहिती समोर आली आहे. अमोल हरिचंद्र कावनपुरे (वय ३२, रा. पहाडीपुरा, बनोसा, ता. दर्यापूर, जि. अमरावती) असे मृत युवकाचे नाव आहे. तो पायाच्या उपचारासाठी हॉस्पिटलमध्ये दाखल झाला होता. ही घटना आज (दि.२३) घडली.
याबाबत अधिक माहिती अशी की, रुग्णाच्या रूमचा दरवाजा उघडत नसल्याचे नर्सच्या लक्षात आले. त्यानंतर रुग्णाचे नातेवाईक आणि हॉस्पिटल कर्मचारी यांनी दरवाजा तोडून उघडला असता, अमोल कावनपुरे यांनी दुपट्ट्याच्या सहाय्याने पंख्याला गळफास घेतल्याचे आढळले.डॉक्टरांनी तपासल्यानंतर त्याला मृत घोषित केले.
या घटनेची माहिती मिळताच सिव्हिल लाईन पोलीस स्टेशनचे कर्मचारी घटनास्थळी दाखल झाले. पंचनामा करून मृतदेह अकोला शासकीय रुग्णालयात शवविच्छेदनासाठी पाठविण्यात आला आहे. या प्रकरणी सिव्हिल लाईन पोलिसांनी नोंद घेतली असून पुढील तपास सुरू आहे.
