अकोला : अस्वलाचा शेतमजूरावर हल्ला

अकोला - अकोट तालुक्यातील चिचपाणी शिवारामध्ये काम करत असलेल्या शेतमजूरावर अस्वलाने हल्ला केल्याची घटना समोर आली आहे. ही घटना मंगळवारी (दि.3) घडली. अस्वलाच्या हल्ल्यामध्ये शेतकरी गंभीर जखमी झाला. शामसिंग फुलसिंग चव्हाण (वय.४५) असे जखमी झालेल्या शेतकऱ्यांचे नाव आहे.

अकोट तालुक्यातील सातपुडा पर्वताच्या पायथ्याशी असलेल्या चिचपाणी परिसरात वन्यप्राण्यांचा संचार असतो. या शेतशिवारात शेतात काम करीत असताना चव्हाण या शेतमजुरावर अस्वलाने हल्ला केला. यामध्ये ते जखमी झाल्याने त्यांच्यावर अकोट ग्रामीण रुग्णालयात उपचार करण्यात आले. त्यानंतर अकोला सर्वोपचार रुग्णालयात उपचाराकरीता पाठविण्यात आले.