अकोला : अकोला तालुक्यातील आपातापा येथे शेतकऱ्याच्या घरातील पोर्च मध्ये ठेवलेल्या अंदाजे १२ क्विंटल तूर अज्ञात चोरट्याने चोरून नेल्याची घटना ३ मार्च रोजी रात्री ३ ते ४ वाजताच्या दरम्यान घडली.
प्राप्त माहितीनुसार , आपातापा येथील प्रमोद बोपटे यांच्या घराच्या पोर्चमध्ये ठेवलेले अंदाजे १५ ते २० कट्टे तूर अज्ञात चोरट्यांनी चोरून नेली. विशेष म्हणजे, चोरट्यांनी तुरीसह दोन पिवळ्या रंगाचे तळवही देखील लंपास केले.
याप्रकरणी प्रमोद बोपटे यांनी बोरगाव मंजू पोलीस ठाण्यात तक्रार दाखल केली असून, अज्ञात आरोपींविरोधात गुन्हा दाखल करण्यात आला आहे. पोलिस निरीक्षक अनिल गोपाळ यांच्या मार्गदर्शनाखाली पोउनि.मनोज उघडे, पो.कॉ. सुदीप राऊत यांनी घटनास्थळी पंचनामा करून, परिसरातील सीसीटीव्ही फुटेज तपासण्याचे काम सुरू केले आहे .
