नागपूर, पुढारी वृत्तसेवा : मध्यवर्ती कारागृहातील एका ४० वर्षीय कैद्याचा प्रकृती खालावल्याने मृत्यू झाल्याची धक्कादायक घटना घडली. मृत आरोपीवर सदर पोलिस ठाण्यात बलात्काराचा गुन्हा दाखल होता. लिंगेश्वर प्रकाश चार्ली (रा.खलासी लाईन, मोहन नगर, सदर) असे मृत आरोपीचे नाव आहे.
पोलिसांनी दिलेल्या माहितीनुसार, लिंगेश्वरला ८ जून २०२३ रोजी आयपीसीच्या वेगवेगळ्या कलमांखाली अटक करण्यात आली होती. तेव्हापासून तो कोठडीत होता. ११ जून रोजीच्या न्यायालयाच्या आदेशानंतर त्याची रवानगी नागपूर मध्यवर्ती कारागृहात करण्यात आली. ११ मे २०२४ रोजी त्याची प्रकृती खालावल्याने मुख्य वैद्यकीय अधिकारी यांच्या सल्ल्याने मेडिकल शासकीय वैद्यकीय महाविद्यालय व रुग्णालयात हलविण्यात आले. यानंतर तुरुंग रुग्णालयात दाखल केल्यानंतर त्यांना मृत घोषित करण्यात आले. धंतोली पोलिसांनी अकस्मात मृत्यूची नोंद घेत तपास सुरू केला आहे.
हेही वाचा
