या प्रकरणात दोन्ही जखमींच्या जबाबावरून घाटंजी पोलिसांनी आरोपी विरोधात खुनाचा प्रयत्न, विनयभंग आणि अनुसूचित जमाती अत्याचार प्रतिबंधक कायद्यानुसार गुन्हा दाखल केला. या गुन्ह्याचा संपूर्ण तपास उविभागीय पोलीस अधिकारी संजय पुज्जलवार यांनी केला. दोषारोप पत्र न्यायालयात सादर केले. अतिरिक्त सत्र न्यायाधीश अमिती लऊळकर यांच्या न्यायालयात हा खटला चालला. यात सरकारी वकील मंगेश गंगलवार यांनी एकूण ८ साक्षीदार तपासले. त्यामध्ये दोन्ही जखमी महिला, तपास अधिकारी, उपचार करणारे डॉक्टर, गुन्ह्यातील परिस्थिती जन्य पुरावे न्यायालयाने ग्राह्य मानले. त्यावरून आरोपीला कलम ३०७ मध्ये पाच वर्षे सश्रम कारावास व २ हजार रुपये दंड, अनुसूचित जाती-जमाती अत्याचार प्रतिबंधक अधिनियमांतर्गत १ वर्षे कारावास व दंड अशी शिक्षा ठोठावली. आरोपीला दोन्ही शिक्षा एकत्र भोगावयाच्या आहेत. या खटल्यात सरकारी वकील यांना पैरवी अधिकारी गजानन शेजुळकर यांनी सहकार्य केले.