Thane News | हळदीत बैल नाचवताना घडलं थरारक नाट्य; व्हिडिओ व्हायरल...
ठाणे : ठाणे रायगड जिल्ह्यात हळदीच्या कार्यक्रमात एक नवा ट्रेंड सुरू झाला आहे. हळदीच्या कार्यक्रमात खिल्लार बैल नाचविण्याची नवी प्रथा सुरू झाली आहे. या प्रथेमुळे अपघातांच्या घटना घडू लागल्या आहेत.
रविवारी (दि.4) रोजी कल्याण शिळं रोड वरील पडले गावात पाटील कुटुंबियांच्या घरी हळदीचा कार्यक्रम होता. पाहुणे मंडळी आणि कुटुंबीय नाचण्यात दंग होते. दरम्यान हळदीत तरुणांनी बैल नाचवायला आणला,त्याच्यासमोर पैशांची उधळण देखील सुरू केली होती. मात्र राग आलेल्या बैलाने नाचणाऱ्यांना तुडवत आपली वाट मोकळी केली आहे. या प्रकाराची व्हिडिओ सध्या सोशल मीडियावर व्हायरल झाली आहे.
कल्याण - शीळ रोडवरील पडले गावातील पाटील कुटूंबाच्या हळदी मधील व्हिडिओ तुफान व्हायरल झाला आहे.रविवारी रात्री पडले गावातील पाटील कुटूंबात हळदीचा कार्यक्रम होता. यावेळी त्यांनी आपला बैल तेथे आणला आणि और्केस्ट्रावर बैलाचे गाणे लावत त्या बैलावर पैसे उडवायला सुरवात केली होती. याचा राग बैलाला आला आणि तो उधळला, यावेळी त्याने आजूबाजूच्यांना खाली पाडत पुढे धावत गेला आहे. यावेळी बैलाला पकडून उभे असलेले पडले.. यावेळी सर्वांचीच घाबरगुंडी उडाली, मात्र यात सुदैवाने जखमी झाले नाही..
याच घटनेचा व्हिडिओ आता व्हायरल झाला आहे.. शेतकरी राजा बैलाची पूजा करत असतो. ,विशेषतः बैल पोळा सणा दिवशी.. शेतकरी आणि बैल यांचे नाते हे अतूट असते. पूर्वीच्या काळात यांत्रिकीकरण नसल्यामुळे शेतीची सर्व कामे बैलांच्या मदतीनेच केली जात असत. त्यामुळे बैल हे शेतकऱ्यांचे खरे मित्र आणि सहकारी होते. या नात्याचा सन्मान करण्यासाठी बैलपोळा सण साजरा केला जातो. या सणाच्या परंपरेचा उद्देश बैलांबद्दल कृतज्ञता व्यक्त करणे हा आहे. त्यामुळे बैलाची पूजा करावी, ना त्यावर पैसे उडवावे, हाच संदेश बहुदा या बैलांनी दिला असावा.
