नालासोपारा : काशिगाव पोलीस ठाण्याच्या हद्दीत 8 ऑगस्ट रोजी येथील एमडी ड्रग्ज प्रकरणात पकडलेल्या आरोपींकडून सखोल तपास करून एमडी ड्रग्ज बनवणार्या कारखान्यापर्यंत मीरा-भाईंदर वसई विरार आयुक्तालयातील गुन्हे शाखेच्या युनिट 4 ला यश आले असून कारखान्याच्या मालकाला ताब्यात घेण्यात आले आहे.
मीरा भाईंदर वसई विरार पोलीस आयुक्तालयाचे गुन्हे शाखा युनिट 4 हैदराबाद नजीकच्या एम डी बनविणार्या कारखान्यावर धाड टाकून एम डी ड्रगसह त्यासाठी लागणारे इतर केमिकल व ड्रग बनविण्यासाठी लागणारे साहित्यासह करोडो रुपयाचा मुद्देमाल जप्त करून कारखाना मालकास ताब्यात घेण्यात आले आहे.
मीरा भाईंदर वसई विरार आयुक्तलयाचे पोलीस आयुक्त निकेत कौशिक यांनी पदभार स्वीकारल्यानंतर अनैतिक धंदे करणार्यांचे धाबे दणाणले असून एमडी ड्रग्ज पुरवणार्या टोळीचा पर्दाफाश करून एमडी ड्रग्ज बनवणार्या कारखान्यावर गुन्हे शाखेच्या युनिट 4 ने कामगिरी केली आहे.
मिरा-भाईंदर शहरात एमडी ड्रग्ज विक्री करण्यासाठी आलेल्या महिलेला गुन्हे शाखा -1 च्या पथकाने शुक्रवारी (8 ऑगस्ट) ताब्यात घेतले. या महिलेकडे 105 ग्राम एमडी ड्रग्ज आढळून आले आहे. या महिलेविरोधात काशिगाव पोलीस ठाण्यात गुन्हा दाखल करण्यात आला आहे. मिरा-भाईंदर शहरात ड्रग्ज विरोधी पोलिसांकडून जोरदार कारवाया सुरू आहेत.
काशीमिरा गुन्हे शाखा-1 पथकाला बातमीदाराकडून मिळालेल्या माहितीनुसार, एक महिला काशिमिरा नाका येथे मोठ्या प्रमाणात एमडी ड्रग्ज विक्री करण्याकरता येत असल्याची माहिती प्राप्त झाली. त्यानुसार सापळा रचून फातिमा मुराद शेख (23) या महिलेला ताब्यात घेतले असता तिच्याकडे 105 ग्राम एमडी ड्रग्ज मिळून आले. ज्याची बाजारभावाप्रमाणे एकवीस लाख रुपये किंमत असल्याचे बोलले जात आहे.
पोलिसांनी या महिलेकडे विचारपूस केली असता, दहिसर येथील ड्रग्ज माफीया कादर बादशाह याच्याकडून ड्रग्ज घेतल्याचे सांगितले. पोलिसांनी ड्रग्ज माफिया कादर बादशाहला देखील ताब्यात घेतले असून ड्रग्जचे मोठे रॅकेट असल्याचा पोलिसांना संशय होता त्यानुसार पोलीस उपायुक्त (गुन्हे) संदीप डोईफोडे यांच्या मार्गदर्शनाखाली पोलिसांनी तपास केला असता मोठ यश पोलिसांच्या हाती लागल आहे.
