Thane : मांडा-टिटवाळ्यातील बेकायदा बांधकामे उद्ध्वस्त

डोंबिवली : कल्याण-डोंबिवली महानगरपालिकेच्या आयुक्त डॉ. इंदूराणी जाखड यांच्या निर्देशांनुसार 1/अ प्रभागाचे सहाय्यक आयुक्त प्रमोद पाटील यांनी कल्याण कसारा रेल्वेमार्गावरील महागणपतीच्या टिटवाळ्यात अवैध बांधकामांवर कारवाई केली.

मौजे मांडा-टिटवाळ्यातील सांगोडा रोडला स्मशानभूमीलगत सुरू असलेल्या 7 खोल्यांच्या वीट बांधकामासह 123 दगडी जोत्यांवर अर्थात फाऊंडेशनवर निष्कासनाची कारवाई केली. ही कारवाई पोलिस बंदोबस्तात अनधिकृत बांधकाम नियंत्रण विभागातील कर्मचाऱ्यांच्या मदतीने 1 जेसीबी व 5 मजूरांच्या साह्याने करण्यात आली.