डोंबिवली : कल्याण-डोंबिवली महानगरपालिका सार्वत्रिक निवडणूक २०२५-२६ साठी १६०४ मतदान केंद्रांच्या एकूण ३९२ लोकेशनवर मतदानाची प्रक्रिया संपन्न होणार आहे. त्यासाठी केडीएमसी प्रशासनाने जय्यत तयारी केली असून प्रभागनिहाय मतदान केंद्रांची व्यवस्था करण्यात आली आहे.
यापैकी तळ मजल्यावर १०५५ मतदान केंद्र, पहिल्या मजल्यावर ९ मतदान केंद्र, पार्टिशन स्वरुपात ४८२ मतदान केंद्र आणि मंडपात ५८ मतदान केंद्र राहतील. तर १६ ठिकाणी १० पेक्षा जास्त मतदान केंद्र ठिकाणे असणार आहे. निवडणूक निर्णय अधिकारी - १ यांच्या निवडणूक प्रभागांत ५५, निवडणूक निर्णय अधिकारी - २ यांच्या निवडणूक प्रभागांत ४७, निवडणूक निर्णय अधिकारी - ३ यांच्या निवडणूक प्रभागांत ४०, निवडणूक निर्णय अधिकारी - ४ यांच्या निवडणूक प्रभागांत २८, निवडणूक निर्णय अधिकारी - ५ यांच्या निवडणूक प्रभागांत ४७, निवडणूक निर्णय अधिकारी - ६ यांच्या निवडणूक प्रभागांत ४१, निवडणूक निर्णय अधिकारी - ७ यांच्या निवडणूक प्रभागांत ४७, निवडणूक निर्णय अधिकारी - ८ यांच्या निवडणूक प्रभागांत ४० व निवडणूक निर्णय अधिकारी - ९ यांच्या निवडणूक प्रभागांत एकूण ४७ लोकेशन्सवर मतदान प्रक्रिया संपन्न होईल.
वृद्ध, दिव्यांग, गर्भवती महिला, इत्यादींना मतदान करणे सोयीचे व्हावे यासाठी तळमजल्यावर जास्त प्रमाणात मतदान केंद्र कार्यान्वित करण्यात येणार आहेत. मतदानाच्या वेळी रॅम्प, व्हीलचेअर, आदी सुविधा आवश्यकतेनुसार मतदारांना पुरविल्या जाणार आहेत. या सार्वत्रिक निवडणूकीसाठी पुरूष मतदारांची संख्या ७ लाख ४५ हजार ६६४, महिला मतदार संख्या ६ लाख ७८ हजार ८७०, तर इतर मतदारांची संख्या ५५२ इतकी असून एकूण मतदारांची संख्या १४ लाख २५ हजार ८६ इतकी आहे.
