कल्याण: दुर्गाडी किल्ल्याच्या बुरूजाचा भाग ढासळला

डोंबिवली : पुढारी वृत्तसेवा :  छ्त्रपती शिवाजी महाराजांच्या पराक्रमाची साक्ष देणाऱ्या आणि ऐतिहासिक कल्याणचे सांस्कृतिक वैभव असलेल्या दुर्गाडी किल्ल्याच्या बुरुजाचा भाग गुरूवारी रात्री ढासळला आहे. किल्ल्याच्या डागडुजीची  दुर्गप्रेमींकडून मागणी करण्यात आली आहे.

ऐतिहासिक दुर्गाडी किल्ला कोठे आहे?

• कल्याण पश्चिमेकडील भिवंडीला जोडणाऱ्या पुलाजवळ ऐतिहासिक दुर्गाडी किल्ला
• बुरूजाचा काही भाग ढासळला
• नव्याने बांधलेल्या बुरूजाला मोठमोठ्या भेगाही पडल्या आहेत
• दुर्गप्रेमींसह कल्याणकर नागरिकांकडून दुरुस्तीची मागणी

कल्याण पश्चिमेकडील भिवंडीला जोडणाऱ्या पुलाजवळ असलेल्या ऐतिहासिक दुर्गाडी किल्ल्याच्या प्रवेशद्वाराच्या डाव्या बाजूचा हा बुरूज आहे. विशेष म्हणजे सार्वजनिक बांधकाम खात्याकडून काही वर्षांपूर्वीच इतर बुरुजांसह या जुन्या बुरूजावर नव्याने बांधकाम केले आहे. या नव्या बुरूजाचा खालचा भाग ढासळल्याचे गुरूवारी रात्री काही नागरिकांच्या लक्षात आले. तसेच नव्याने बांधलेल्या बुरूजाला मोठमोठ्या भेगाही पडल्या असून तो भागही कधीही कोसळण्याची भीती व्यक्त होत आहे.

• ठाणे: डंपरच्या धडकेत दुचाकीवरील पोलिस हवालदारासह महिलेचा मृत्यू
• ठाणे : साई शिर्डीनगर एक्स्प्रेसमध्ये चिमुरडी आढळली; पालकांचा शाेध सुरू
• ठाणे: कळवा- मुंब्रा येथे व्हीव्हीपॅट मशीन बंद पडल्याचे वृत्त निराधार