सोलापूर : मध्य रेल्वेच्या कर्जत - लोणावळा दरम्यानचा दक्षिण-पूर्व डाऊन मार्ग मंगळवार (दि. १४) रोजी पूर्ववत झाला. यामुळे सोलापूर विभागातील प्रवाशांना दिलासा मिळाला आहे.
यापूर्वी ७ जुलैला मध्य मार्गिका सुरू केली होती. दोन्ही मार्ग सुरू झाल्याने मुंबईकडे जाणाऱ्या प्रमुख गाड्या आता मूळ मार्गावरून धावणार आहेत. गाडी क्रमांक (११३०२) बंगळुरू-सीएसएमटी उद्यान एक्स्प्रेस व सिद्धेश्वर एक्स्प्रेस सोलापूर गाडी क्रमांक (१२११६) शुक्रवार (दि. १७) पासून सीएसएमटी मुंबईपर्यंत धावतील. तर गाडी क्रमांक ११३०१ सीएसएमटी मुंबई-बंगळुरू उद्यान एक्स्प्रेस शनिवार (दि. १८) पासून सीएसएमटी मुंबईवरूनच धावणार आहे.
शिवाय उन्हाळी सुट्टीतील गर्दीचा विचार करून या विभागातील अन्य १० विशेष गाड्यांना जुलै अखेरपर्यंत मुदतवाढ दिली आहे. त्यात सोलापूर-एलटीटी साप्ताहिक, सोलापूर-अनकापल्ले साप्ताहिक, सोलापूर-दौंड, सोलापूर-कलबुर्गी आणि हडपसर-हरंगूळ या दैनिक गाड्यांचा विशेषचा समावेश आहे.
सोलापूर विभागातील गाड्यांची स्थिती
l ११३०२ बंगळुरू-सीएसएमटी उद्यान एक्स्प्रेस : १७ पासून मुंबई
l १२११६ सोलापूर-सीएसएमटी सिद्धेश्वर एक्स्प्रेस : १७ पासून मुंबई
l ११३०१ सीएसएमटी-बंगळुरू उद्यान एक्स्प्रेस : १८ पासून मुंबई
