Mahila maharashtra kesari: महिला महाराष्ट्र केसरी स्पर्धेला दिमाखात प्रारंभ

सोलापूर : राज्यस्तरीय चौथ्या महिला महाराष्ट्र केसरी अजिंक्यपद कुस्ती स्पर्धेला शनिवारी येथे दिमाखात प्रारंभ झाला. हिंद केसरी योगेश दोडके, महाराष्ट्र केसरी बापूसाहेब लोखंडे, उपमहाराष्ट्र केसरी भरत मेकाले यांची उपस्थिती उल्लेखनीय ठरली.

या स्पर्धेच्या पहिल्याच दिवशी पाटील, बागडी, भोसले, ससाणे, बोडके यांनी विजयी सलामी दिली. दरम्यान, महाराष्ट्र केसरी सारख्या स्पर्धांमुळे महिला कुस्तीला नवीन ओळख मिळत आहे. कुस्तीमध्ये अनेक डावपेच असतात. कुस्तीमुळे आपल्या संस्कृतीचे दर्शन घडते, असे प्रतिपादन अक्कलकोटचे आ. सचिन कल्याणशेट्टी यांनी केले.