Chemist strike Solapur: जिल्ह्यात चार हजार औषध विक्रेत्यांचा संप

सोलापूर : ऑनलाईन औषध विक्रीच्या विरोधात पुकारण्यात आलेल्या या संपात शहर- जिल्ह्यातील चार हजाराहून अधिक दुकानदारांनी सहभाग घेऊन कडकडीत बंद पाळला. दरम्यान, शहरातील अत्यवस्थ रुग्णांसाठी सोळा मेडीकल दुकान सुरू होती.

सध्या देशात ऑनलाईन औषध विक्री वाढलेली आहे. याच औषध विक्रीच्या विरोधात देशातील साडेबारा लाख मेडीकल धारकांनी आज बुधवार रोजी संप पुकारला होता. या संपात येथील शहर जिल्ह्यातील संघटनाही सहभागी झाली.

बंद काळात औषध विक्रेता संघटनेने हेल्पलाइन सुरू ठेवली होती. तालुकास्तरावरही काही दुकाने उघडी ठेवून रुग्णांची गैरसोय होऊ नये यासाठी नियोजन केले होते. भविष्यात या ई- फार्मसीचा दूरगामी परिणाम होणार असल्याने सर्वच दुकारांनी हा लढा पुकारला होता.