Solapur News : ऑफिसमध्ये घुसून चौघाजणांकडून तरुणास मारहाण

सोलापूर : पूर्वी झालेल्या वादाचा राग मनात धरून ऑफिसमध्ये काम करीत असलेल्या तरुणास चौघांनी मारहाण करून जीवे मारण्याची धमकी दिली. याप्रकरणी जेलरोड पोलिस ठाण्यात चौघांविरुद्ध गुन्हा दाखल केला आहे.

म्हाळप्पा देवदास हेळवी (रा. ओम गर्जना चौक,) यांनी याबाबत फिर्याद दिली आहे. वीरभद्र कांते, यश कांते, प्रभात प्रकाश फणसे आणि एका अज्ञात व्यक्तीविरुद्ध गुन्हा दाखल केला आहे. १४ ऑक्टोबर रोजी रात्री फिर्यादी सोलापूर शहर पेट्रोलपंप येथील ऑफिसमध्ये काम करीत होते. त्यावेळी सायंकाळी झालेल्या वादाचा राग मनात धरून आरोपी तेथे आले. त्‍यांनी फिर्यादीला मारहाण केली. तसेच ऑफिसमधील साहित्यांचे नुकसान करून जीवे मारण्याची धमकी दिली.