मोहोळ : सीना नदीचा महापूर ओसरत नाही तोच सीना कोळेगाव प्रकल्पामधून नदी पात्रामध्ये पाणी सोडण्याबाबतचे पत्र जलसंपदा विभाग कार्यकारी अभियंता, सीना कोळेगाव प्रकल्प विभाग, परंडा, यांनी प्रसिद्ध केले आहे. यामुळे दोन दिवसांपूर्वीच्या महापुराने अतोनात नुकसान झालेल्या सीना नदी काठच्या शेतकरी व ग्रामस्थांमध्ये चिंतेसह भीतीचे वातावरण पसरले आहे.
आपत्ती व्यवस्थापक परंडा यांनी तत्काळ प्रसिद्ध केलेल्या प्रसिद्धी पत्रकाद्वारे सीना नदीकाठच्या गावांना सतर्कतेचा इशारा दिला आहे. पशुधन आणि कुटुंबासह सुरक्षित ठिकाणी आसरा घ्यावा. लहान मुले, वयोवृद्ध नागरिक, गरोदर स्त्रियांची विशेष काळजी घ्यावी, असे आवाहन केले आहे. सीना कोळेगावच्या पाणलोट क्षेत्रात 30 सप्टेंबरपर्यंत वादळी वार्यासह पावसाची शक्यता वर्तवली आहे. पूरस्थितीची शक्यता धरून पाणी सोडण्याचा निर्णय घेण्यात आला आहे.
