सोलापूर : मुंबई पोलीसात भरतीचे आमिष दाखवून पाच लाखांची फसवणूक केल्याप्रकरणी दोन पोलिसांविरोधात एमआयडीसी पोलीस ठाण्यात गुन्हा दाखल करण्यात आला आहे.
रंजीत दशरथ भोसले (रा. विजय रेसिडेन्सी, न्यू पाच्छा पेठ, सोलापूर, नेमणूक : मोहोळ पोलीस स्टेशन, सोलापूर ग्रामीण) आणि सचिन बाळकृष्ण पाटोळे (मुंबई पोलीस) अशी गुन्हा दाखल झालेल्यांची नावे आहेत. बापू दशरथ भोसले (वय ५७, रा. गोंधळे वस्ती, न्यू शिवाजी नगर, सोलापूर) यांनी याप्रकरणी फिर्याद दिली आहे.
संशयीत रंजीत भोसले आणि सचिन पाटोळे यांनी बापू यांचा मुलगा अजय याला मुंबई पोलीसात भरती करून देतो, असे आश्वासन देऊन जुलै २०२१ ते नोव्हेंबर २०२२ या कालावधीत एक लाख रुपये ऑनलाईन व चार लाख रोख घेतले. पण नोकरी दिली नाही. या प्रकरणाचा अधिक तपास पोलिस उपनिपरिक्षक येळे करीत आहेत.
