मोहोळ : नातेवाईकांच्या अंत्यविधीसाठी पिकप गाडीमध्ये निघालेल्या पिक अप गाडीला लक्झरी बसने धडक दिल्याने ११ जण जखमी झाल्याची घटना मंगळवार दि.२५ नोव्हेंबर रोजी सकाळी साडेआठ दरम्यान सावळेश्वर पठाण बाबा दर्गा जवळ घडली आहे.जखमींना उपचारासाठी शासकीय रुग्णालय सोलापूर येथे दाखल करण्यात आले आहे.
याबाबत पोलिसांकडून मिळालेल्या माहितीनुसार लोचना नामदेव चवरे, वत्सला नारायण चवरे, शहाजी नारायण चवरे, परमेश्वर नामदेव चवरे, मैना अण्णा नाळे, रामहरी नामदेव चवरे,कौशल्या मदने, शकुंतला भगवान चवरे, कृष्णा चोरमले,कौशल्या शहाजी चवरे,ज्ञानेश्वर भगवान चवरे,सर्वजण रा.डोराळे ता. बार्शी जि. सोलापूर हे सर्वजण मंगळवार दि.२५ नोव्हेंबर सकाळी वैराग ते पाकणी मार्गे पिकप मध्ये बसून नातेवाईकांच्या अंत्यविधीसाठी निघाले होते.
दरम्यान पाठीमागून येणाऱ्या लक्झरी बसणे सावळेश्वर पठाण बाबा दर्गा जवळ पिकप गाडीला जोराची धडक दिल्याने रोडच्या बाजूस असणाऱ्या खड्ड्यामध्ये पीकअप गाडी पलटी झाली. यामध्ये ११जण जखमी झाले,असून दोघांची प्रकृती चिंताजनक आहे.सर्वांवर शासकीय रुग्णालय सोलापूर येथे उपचार सुरू असून पुढील तपास पोलीस करीत आहेत.
