सोलापूर : गॅस एजन्सी समोर ई- केवायसी करण्यासाठी रांगा लावू नका. आता घरी बसूनच क्यूआर कोडच्या मदतीने गॅसचे ई- केवायसी करावी, असे आवाहन जिल्हाधिकारी कार्तिकेयन एस. यांनी केले.
जिल्हाधिकारी कार्तिकेयन म्हणाले, शहरात बीपीसीएल, आयओसीएल व एचपीसीएल या तीन गॅस कंपनीच्या एकूण 20 गॅस एजन्सी कार्यरत आहेत. गॅस एजन्सी समोर नागरिक हे ई- केवायसीसाठी तसेच गॅस सिलिंडर बुकिंगची माहिती घेण्यासाठी गर्दी करत आहेत. नागरिकांनी घरी बसून क्यूआर कोडच्या माध्यमातून ई केवायसी करावी. त्यासाठी क्यूआर कोड उपलब्ध करुन देण्यात आले आहे.
जिल्ह्यात एलपीजीचा पुरेसा साठा उपलब्ध आहे. नागरिकांनी ऑनलाईन बुकिंग करावी, त्यांना विहित केलेल्या कालावधीत घरपोच गॅस सिलिंडर मिळणार आहे. शहर व जिल्ह्यातील सर्व नागरिकांनी कोणत्याही प्रकारच्या अफवांवर विश्वास ठेवू नये. गरज नसताना बुकिंग करू नये. सोलापूर जिल्ह्यासाठी पेट्रोल, डिझेल व एलपीजीचा मागणीप्रमाणे साठा उपलब्ध होत आहे, असे त्यांनी सांगितले.
