पंढरपूर : पंढरपूर तालुक्यातील पटवर्धन कुरोली येथील एका तरुणीवर दीड महिन्यापूर्वी अत्याचार करण्यात आला होता. यामुळे या तरुणीने 11 एप्रिल रोजी ॲसिड पिऊन जीवन संपविण्याचा प्रयत्न केला होता. तिला उपचारासाठी रुग्णालयात दाखल करण्यात आले. उपचार सुरू असताना अखेर तिचा मृत्यू झाला आहे. यामुळे संतप्त नातेवाईकांनी या प्रकरणातील आरोपीस अटक करावी, या मागणीसाठी करकंब पोलिस ठाण्यासमोर तरुणीचा मृतदेह ठेवून आंदोलन केले.
तरुणीवर विविध ठिकाणी नेऊन एका तरुणाने अत्याचार केला. यामुळे तरुणी घाबरून गेली होती. याप्रकरणी करकंब पोलिस ठाण्यामध्ये गुन्हा दाखल करण्यात आला होता. तिने यानंतर ॲसिड पिऊन आत्महत्या करण्याचा प्रयत्न केला. नातेवाईकांनी वेळीच तिला उपचारासाठी पुणे, नंतर सोलापूरला उपचार सुरू असताना तिचा मृत्यू झाला.
