सोलापूर : होटगी रोड विमानतळावरून नाईट लँडिंग, इंस्ट्रुमेंटेशन लँडिंग पूर्वी होते. नाईट लँडिंग, इंस्ट्रुमेंटेशन लँडिंगसाठी आवश्यक ते पेपी लाईट्स लावले होते. मधल्या काळात विमानतळ वापरात नसल्याने ती सर्व यंत्रणा खराब झाल्याने पुढे काढून टाकली, अशी माहिती सोलापूर विकास मंचच्या बैठकीत योगिन गुर्जर यांनी दिली.
गुरुवारी (दि. 31) शासकीय विश्रामगृह येथे सोलापूर विकास मंचची बैठक झाली. यावेळी मिलिंद भोसले, केतन शहा, सुहास भोसले, नागनाथ माळवदकर, प्रसन्न नाझरे, रेवण आयगोळे, दत्तात्रय अंबुरे, संतोष कांबळे, चक्रपाणी, नागेश लगदिवे, प्रकाश भुतडा, मनोज क्षीरसागर, योगिन गुर्जर, जयश्री तासगावकर आदी उपस्थित होते.
नाईट लँडिंगची व्यवस्था 2016 मध्ये होती...
2016 साली लोकसभेत नागरी उड्डान राज्यमंत्री यांनी सोलापुरात नाईट लँडिंग व्यवस्था, इंस्ट्रुमेंटेशन लँडिंग व्यवस्था आहे, असे लेखी उत्तरात माहिती दिली असल्याचे पुरावे केतन शहा यांनी बैठकीत सादर केले. होटगी रोड विमानतळावरून नाईट लँडिंग, 54 मीटर रस्ता, विजयपूर रोड सर्व्हिस रोड, सोलापूरचे क्रीडा विश्व या विषयावर चर्चा झाली.
