.jpg?w=480&auto=format%2Ccompress&fit=max)
सोलापूर : राष्ट्रवादी काँग्रेस शरदचंद्र पवार पक्षाचे आ. अभिजित पाटील यांनी मुंबईत मराठा समाज आरक्षण आंदोलनाचे नेते मनोज जरांगे यांची भेट घेत आपला पाठिंबा दिला. त्यांच्याच पक्षाचे आ. नारायण पाटील, आ. उत्तम जानकर, शेकापचे आ. डॉ. बाबासाहेब देशमुख, शिवसेना ठाकरे गटाचे आ. दिलीप सोपल या आमदारांनी आंदोलनाला पाठिंबा जाहीर केला.
त्याबरोबरच भाजपचे आ. समाधान आवताडे यांनी मराठा आरक्षणासाठी विधिमंडळाचे विशेष अधिवेशन बोलाविण्याची मागणी केली. खा. प्रणिती शिंदे, खा. धैर्यशील मोहिते-पाटील या जिल्ह्यातील दोन्ही खासदारांनीही मराठा आंदोलनास पाठिंबा जाहीर केला.
या व्यतिरिक्त इतर आमदार आणि लोकप्रतिनिधींच्या प्रतिक्रिया आलेल्या नाहीत. मराठा समाजातील सर्वपक्षीय नेत्यांनी या आंदोलनात सहभाग नोंदवला आहे. शिवसेना जिल्हाप्रमुख अमोल शिंदे, शिवसेना उद्धव ठाकरे पक्षाचे नेते पुरुषोत्तम बरडे, राष्ट्रवादीचे पद्माकर काळे, राजन जाधव, काँग्रेसचे विनोद भोसले, गणेश डोंगरे यांच्यासह अनेक नेत्यांनी मुंबईत जाऊन आंदोलनाला पाठिंबा दिला.
