पंढरपूर : छत्रपती शिवाजी महाराज महाराजस्व अभियानांतर्गत पंतप्रधान नरेंद्र मोदी यांचा जन्मदिवस सेवा पंधरवडा साजरा करण्यात येत आहे. या कालावधीमध्ये तृतीयपंथी यांना विविध शासकीय योजनांचा लाभ देण्यात येणार आहे. पंढरपूर तालुक्यातील तृतीयपंथी यांनी या योजनेचा जास्तीत जास्त लाभ घेण्यासाठी अर्ज करावा, असे आवाहन तहसीलदार सचिन लंगुटे यांनी केले आहे.
छत्रपती शिवाजी महाराज महाराजस्व अभियानांतर्गत पंतप्रधान नरेंद्र मोदी यांचा जन्मदिवस दि. 17 सप्टेंबर ते राष्ट्रपिता महात्मा गांधी यांची जयंती दि. 2 ऑक्टोबर या कालावधीमध्ये सेवा पंधरवडा साजर करण्यात येत आहे. याबाबत शासनाने आदेश पारित केलेला आहे.
या कालावधीमध्ये तृतीयपंथी यांना विविध शासकीय योजनांचा लाभ देण्याबाबत नमूद केलेले आहे. त्याअनुषंगाने तहसील कार्यालय पंढरपूर येथे तृतीयपंथी यांना जातीचे दाखले, उत्पन्न दाखला, रहिवासी दाखले, शिधापत्रिका, संजय गांधी योजना, श्रावणबाळ, सेवा राज्य निवृत्तीवेतन योजना, मतदान कार्ड, प्रधानमंत्री किसान सन्मान योजनेचा लाभ देण्याबाबत तृतीयपंथी यांची बैठक घेण्यात आली.
या बैठकीस तृतीयपंथी यांचे गुरूवर्य परसू हणमंत पवार, सीमा माने, वैशाली शिरसट व इतर बहुसंख्येने उपस्थित होते. या बैठकीमध्ये तहसीलदार सचिन लंगुटे, निवासी नायब तहसीलदार बालाजी पुदलवाड यांनी मार्गदर्शन केले.
